Մեր կայքում ներկայացված են պետական ավարտական և միասնական քննությունների, ընթացիկ գնահատումների, ազգային ստուգատեսների, միջազգային հետազոտությունների և Գնահատման և թեստավորման կենտրոնի գործունեության վերաբերյալ այլ տեղեկություններ:

Հուսով ենք, որ ԳԹԿ կայքում Դուք կգտնեք Ձեզ հետաքրքրող բոլոր հարցերի պատասխանները:

Մենք շատ ենք կարևորում կայքի այցելուների հետ երկխոսությունը և շնորհակալությամբ կընդունենք Ձեր դիտողություններն ու առաջարկությունները:

      Տնօրեն`  Ա. Փաշայան  

Հարգելի տնօրեն

Ս/թ փետրվարի 25-ից մինչև մարտի 20-ը մեկնարկում է 2025-2026 ուստարվա 9-րդ դասարանի ավարտական քննությունների հայտագրման գործընթացը։  Գնահատման և թեստավորման կենտրոնի կայքէջում մուտքագրվելու են ավարտական՝ <<Հայոց լեզու>>, <<Մաթեմատիկա>>` ըստ առարկաների և Էսսե հանձնողների թիվը, ինչպես նաև <<Ֆիզիկա>>, <<Քիմիա>>, <<Կենսաբանություն>>, <<Աշխարհագրություն>> առարկաներից մեկը՝ սովորողի ընտրությամբ։

  Հարգանքով՝ ԳԹԿ համակարգչային և վերլուծական աշխատանքների բաժին

   Հունվարի 31-ին Անգլերեն առարկայի միասնական քննությանը մասնակցած  դիմորդները հայտագրվելու համար պետք է մուտք գործեն dimord.am կայքի իրենց անձնական էջ և սեղմեն «Վերահանձնել» կոճակը։ Դրանից հետո դիմորդի էլեկտրոնային հասցեին կուղարկվի վերահանձնմանը մասնակցելու հաստատումը։

    Քննությունից 3 օր առաջ դիմորդին կուղարկվի անցաթուղթը, որտեղ նշված կլինեն քննության վայրը և ժամը։

2026 թվականի հունվար-փետրվար ամիսներին անցկացվող (առաջին փուլ) միասնական քննությունների օրերը

Հարգելի տնօրեն

Ս/թ դեկտեմբերի 15-ից մեկնարկել է 2025-2026 ուստարվա 12-րդ դասարանի պետական ավարտական քննությունների հայտագրման գործընթացը։

Այդ գործընթացի համար անհրաժեշտ է app.dimord.am կայքի <<Ավարտական քննություններ>> բաժնի <<Թեստերի քանակ>> ենթաբաժնում մուտքագրել․

• <<Շրջանավարտների թիվը>> դաշտում՝ 12-րդ դասարանի բոլոր շրջանավարտների ընդհանուր թիվը:

• <<1-ին կիսամյակ>> դաշտում՝ հունվարի պետական ավարտական քննություն հանձնողների թիվը՝ ըստ առարկաների։

Արտադպրոցական ուս․ հաստատությունների կամավոր ատեստավորման ընդունելության վերաբերյալ հայտարարություն