Հեռակա ուսուցում
«2023 թ․ ՀՀ բուհերի բակալավրի կրթական ծրագրով հեռակա ուսուցման ընդունելության քննությունների և մրցույթի արդյունքները» վերլուծական աշխատանքի առաջին մասն ընդգրկում է ընդհանուր տեղեկություններ ընդունելության թեստային քննությունների և դրանց արդյունքների, ինչպես նաև ՀՀ վարչատարածքային միավորների, բնակավայրերի տիպերի, հանրակրթական ուսումնական հաստատությունների և դիմորդների սեռային կազմի կտրվածքով արձանագրված արդյունքների վերաբերյալ։ Վերլուծության երկրորդ մասում ներկայացված են ընդհանուր տեղեկություններ բուհերի հեռակա ուսուցման ընդունելության մրցույթի վերաբերյալ, մրցույթի արդյունքներն ըստ բուհերի, ՀՀ վարչատարածքային միավորների և դիմորդների սեռատարիքային կազմի։ Անդրադարձ է կատարվել 2023 թ․ բուհերի հեռակա ընդունելության մրցույթի ամենապահանջված մասնագիտություններին, ինչպես նաև չհայտագրված մասնագիտություններին։
«2022 թ․ ՀՀ պետական բուհերի բակալավրի կրթական ծրագրով հեռակա ուսուցման ընդունելության քննությունների և մրցույթի արդյունքները» վերլուծական աշխատանքում ներկայացված են ընդհանուր տեղեկություններ, ընդունվածների թվերը և միջին միավորները ըստ ՀՀ բուհերի և քննական առարկաների։ Անդրադարձ է կատարվել նաև դիմորդների սեռատարիքային կազմին։ Վերլուծության վերջում ներկայացված են 2022 թ․ հեռակա ընդունելության մրցույթի ամենապահանջված մասնագիտությունները։
 |
 |
CopyRight © ATC 2006