9-րդ դասարանի ավարտական քննությունները կազմակերպելու համար անհրաժեշտ է մինչև ս/թ փետրվարի 5-ը առցանց համակարգի միջոցով Գնահատման և թեստավորման կենտրոնին փոխանցել Ձեր ուսումնական հաստատության շրջանավարտների ընդհանուր թիվն ըստ դպրոցի և առարկաների:

Հայաստանի Հանրապետության մարզերի և Երևան քաղաքի հանրակրթական ուսումնական հաստատությունների ցուցակը, ուր փետրվար-մարտ ամիսներին 12-րդ դասարաններում իրականացվելու է ընթացիկ գնահատում`«Հայոց լեզու» և «Հանրահաշիվ» առարկաներից:

Ս.թ. հուլիսի 15-ից 20-ը կմեկնարկի ՀՀ պետական և ոչ պետական բուհերում առկա ուսուցման 2016-2017թթ. ուսումնական տարվա թափուր մնացած տեղերի դիմում-հայտերի ընդունման գործընթացը:

Լրացուցիչ մրցութային փուլում կարող են մասնակցել հիմնական մրցութային փուլին մասնակցած և բուհ չընդունված այն դիմորդները, ովքեր ունեն համապատասխան առարկաներից դրական միավորներ: Դրա համար անհրաժեշտ է թափուր տեղ ունեցող բուհում լրացնել նոր դիմում-հայտ:

Հայոց լեզվի և հայ գրականության 2017թ. պետական ավարտական և միասնական քննությունների քննական թեստերի բոլոր առաջադրանքները ընտրվում են 2016-17թթ. շտեմարանների առաջադրանքներից: 

Որոշ առաջադրանքներում կատարվում են փոփոխություններ` համաձայն նոր ուղեցույցի  «Հնարավոր փոփոխություններ թեստերում ներառվող առաջադրանքներում» բաժնում նշված կարգի:

Գնահատման և թեստավորման կենտրոնը հունիսի 24-ից սկսում է 2015-2016 ուստարվա և նախորդ տարիների շրջանավարտների «Հայոց լեզու և հայ գրականություն», «Հայոց պատմություն», «Ընդհանուր պատմություն», «Մաթեմատիկա», «Անգլերեն», «Ֆրանսերեն», «Գերմաներեն», «Իտալերեն», «Իսպաներեն», «Պարսկերեն», «Ռուսաց լեզու», «Ֆիզիկա», «Քիմիա», «Կենսաբանություն» և «Աշխարհագրություն» առարկաների պետական ավարտական, միասնական և կենտրոնացված (պետական ավարտական և բուհերի ընդունելության) լրացուցիչ քննությունների  կազմակերպման գործընթացը:

2016 թ. պետական ավարտական և միասնական քննությունների թեստային առաջադրանքները ընտրվելու են համապատասխան շտեմարաններից: Ի տարբերություն նախորդ տարիների՝ 2016 թվականին  «Մաթեմատիկա», «Քիմիա», «Ֆիզիկա», «Կենսաբանություն», «Աշխարհագրություն» առարկաների թեստերում  շտեմարանային առաջադրանքները կարող են ներառվել մասնակի փոփոխություններով` պահպանելով առաջադրանքի տեսակը և կառուցվածքը:

Փոփոխությունների վերաբերյալ մանրամասներին կարող եք ծանոթանալ atc.am կայքում տեղադրված առարկայական ուղեցույցներում:

Ձեր ուշադրությանն ենք ներկայացնում 2016 թվականի պետական ավարտական և միասնական քննությունների առաջադրանքների շտեմարաններում կատարված փոփոխությունների մասին տեղեկություններ՝ ըստ քննական առարկաների: 

Դուք կարող եք օգտվել 2014– 2015 թվականներին հրատարակված շտեմարաններից՝  հաշվի առնելով կատարված փոփոխությունները:  

Շտեմարանների լրամշակված տարբերակներին կարող եք ծանոթանալ atc.am կայքէջում:

Մինչև ս.թ. սեպտեմբերի 30-ը Գնահատման և թեստավորման կենտրոնը կազմակերպում է 2015-2016թթ.-ի «Հայոց լեզու և հայ գրականություն», «Մաթեմատիկա», «Անգլերեն», «Ռուսաց լեզու», «Գերմաներեն», «Ֆրանսերեն», «Աշխարհագրություն», «Կենսաբանություն», «Քիմիա», «Ֆիզիկա», «Հայոց պատմություն» առարկաների շտեմարանների բովանդակային և կառուցվածքային քննարկումներ: Ձեր առաջարկությունները, դիտողությունները և նկատված վրիպակները կարող եք ուղարկել ԳԹԿ արտաքին համագործակցության բաժնի էլեկտրոնային հասցեին՝ artaqin@mail.ru:

Պետական ավարտական, միասնական և կենտրոնացված (պետական ավարտական և բուհերի ընդունելության) լրացուցիչ քննությունների կազմակերպման գործընթացի վերաբերյալ:

Գնահատման և թեստավորման կենտրոնը չորս տարին մեկ անգամ իրականացնում է TIMSS միջազգային ստուգատես: Այս տարի ստուգատեսն անցկացվում է հանրակրթական ուսումնական հաստատությունների 4-րդ և 8-րդ դասարաններում: TIMSS միջազգային ստուգատեսը մեկնարկել է ապրիլի 13-ին և կավարտվի մայիսի 15-ին: