Նորություններ և հայտարարություններ   

<<ՀԱՅՈՑ ԼԵԶՈՒ ԵՎ ՀԱՅ ԳՐԱԿԱՆՈՒԹՅՈՒՆ>> ԱՌԱՐԿԱՅԻ ՈՒՂԵՑՈՒՅՑԻ ՆՈՐ ՆԱԽԱԳԾԻ ՔՆՆԱՐԿՈՒՄ

23.07.2013 թ. ԳԹԿ-ում տեղի ունեցավ հայոց լեզվի և հայ գրականության ուղեցույցի նոր նախագծի ընդլայնված քննարկում` հայոց լեզվի և հայ գրականության ուսուցիչների, բուհերի դասախոսների և ԿԱԻ-ի մասնագետների մասնակցությամբ: Բարձրացված առանցքային հարցերը ներկայացնում ենք հանրային քննարկման` ակնկալելով ձեր առաջարկները և արձագանքները դրանց վերաբերյալ:

1. Ավելացնել թեստի` հայ գրականության առաջադրանքների քանակը` 15-ից հասցնելով 20-ի:

2. Սահմանել միավորների հաշվում պահանջող կարճ պատասխանով առաջադրանքներում տրվող լեզվական միավորների առավելագույն քանակները` ըստ հաշվման ենթակա միավորների հետևյալ տարատեսակների`

• եթե լեզվական միավորները բառեր կամ բառակապակցություններ են, ապա դրանց քանակը չպետք է գերազանցի 12-ը,
• եթե նախադասություններ են` դրանց քանակը չպետք է գերազանցի 5-ը,
• եթե ավելի մեծ միավորի կազմում տրված միավորներ են, /օրինակ` հաշվել գոյականների քանակը տրված տեքստում/, ապա հաշվման ենթակա միավորների /տվյալ դեպքում` գոյականների/ քանակը չպետք է գերազանցի 9-ը:

Վերը ներկայացված թվերը տրված են կողմնորոշիչ նպատակներով:

Խնդրում ենք առաջարկները ներկայացնել press@atc.am հասցեով մինչև սեպտեմբերի 1-ը: