Նորություններ և հայտարարություններ   

2013-2014 ուստարվա համար նախատեսվում է հրատարակել <<ՀԱՅՈՑ ԼԵԶՈՒ ԵՎ ՀԱՅ ԳՐԱԿԱՆՈՒԹՅՈՒՆ>> առարկայի շտեմարանների 4 նոր մասեր

  ԳԹԿ-ն 2014թ.  հայոց լեզվի և հայ գրականության պետական ավարտական և միասնական քննությունների թեստերի կառուցվածքում տեղի ունեցած փոփոխությունների, ինչպես նաև շտեմարանների բարեփոխման և լրամշակման նպատակով 2013-2014 ուստարվա համար նախատեսվում է հրատարակել շտեմարանների 4 նոր մասեր:

Շտեմարանի յուրաքանչյուր մասը ներառում է կառուցվածքային բոլոր 3տիպերի առաջադրանքներից և բաղկացած է 3 գլխից`

• 1-ին գլուխը կազմված է  ընտրովի պատասխանով առաջադրանքներից,
• 2-րդ գլուխը ` կարճ պատասխանով առաջադրանքներից,
• 3-րդ գլուխը` պնդումների փնջերից:

1-3 մասերը կազմված են նախկին շտեմարանների առաջադրանքներից`

• 1-ին մասը կազմվել է նախկին 1–ին  (2012թ.),  2–րդ (2013թ.) և  5–րդ (2013թ.)  մասերի առաջադրանքներից,
• 2-րդ մասը` նախկին 1–ին  (2012թ.),  2–րդ (2013թ.) և  4–րդ (2011թ.)  մասերի առաջադրանքներից,
• 3-րդ մասը` նախկին 1–ին  (2012թ.),  2–րդ (2013թ.) և  3–րդ (2011թ.)  մասերի առաջադրանքներից:

1-3 մասերում ընդգրկված առաջադրանքների մի մասը խմբագրված է:

Շտեմարանի 4-րդ մասի 1-ին գլխում տեղ են գտել ընտրովի պատասխանով առաջադրանքներ 2010թ. 1-ին և 2-րդ մասերի` 2013թ. 5-րդ մասում չներառված առաջադրանքներից, ավելացված են նաև նոր առաջադրանքներ, մասնավորապես` նախադասության գծապատկերի վերաբերյալ:

2-րդ և 3-րդ գլուխները կազմված են նոր առաջադրանքներից:

 Պետական ավարտական և միասնական քննություններին նախապատրաստվողները կարող են օգտվել 2010-2013թթ. շտեմարաններից` հաշվի առնելով կատարված փոփոխությունները: