Նորություններ և հայտարարություններ   

Կհրատարակվեն <<Քիմիա>> շտեմարանի 3 նոր մասերը

Տեղեկացնում ենք,  որ 2013 - 2014  ուստարվա համար նախատեսվում է քիմիայի շտեմարանի երեք գիրք, որոնցում ներառված առաջադրանքների հիման վրա  կկազմվեն 2014 թ. պետական ավարտական և միասնական քննությունների թեստերը: Շտեմարանի  1-ին և 2-րդ մասերը  նախորդ տարի գործածության մեջ եղած  շտեմարանների   լրամշակված տարբերակներն են: Կատարված փոփոխությունները հիմնականում վերաբերում են նախորդ գրքերում տեղ գտած վրիպակներին և որոշ խնդիրների վերաձևակերպմանը, ինչպես նաև    հանվել  է 3-րդ գլուխը, այսինքն` պնդումների փունջը կազմող առաջադրանքները:

3-րդ  մասը ներառում է պնդումների փունջը նոր կառուցվածքով, ինչպես նաև   նոր տեսակի առաջադրանքներ (համապատասխանեցում երեք սյունակով, երկհարցանի ընտրովի պատասխանով)  և խնդիրներ (երկու և երեք ենթաառաջադրանքներից կազմված):

Դիմորդները կարող են օգտվել 2012թ. և 2013թ. հրատարակված հին շտեմարաններից` հաշվի առնելով կատարված փոփոխությունները, որոնք կընդգրկվեն լրամշակված տարբերակում: