Նորություններ և հայտարարություններ   

Կհրատարակվեն <<Կենսաբանություն>> շտեմարանի 4 նոր մասերը

Տեղեկացնում ենք,  որ 2014թ. <<Կենսաբանություն>> առարկայի պետական ավարտական և միասնական քննության թեստերում նախորդ տարիների համեմատությամբ տեղի են ունեցել որոշ փոփոխություններ: Մշակվել են նոր տիպի առաջադրանքներ, որոնք մինչ այժմ չեն եղել կենսաբանության թեստերում: Ըստ այդմ փոխվել է նաև թեստի կառուցվածքը:

2013-2014 ուստարվա համար նախատեսվում է <<Կենսաբանություն>> առարկայի պետական ավարտական և միասնական քննությունների առաջադրանքների շտեմարանների 4 մաս, որոնցում ներառված առաջադրանքների հիման վրա  կկազմվեն 2014 թ. պետական ավարտական և միասնական քննությունների թեստերը: Շտեմարանի  1-ին և 2-րդ մասերը  նախորդ տարի գործածության մեջ եղած շտեմարանների   լրամշակված տարբերակներն են:

Կատարված փոփոխությունները հիմնականում վերաբերում են նախորդ  մասերում տեղ գտած վրիպակներին և որոշ  առաջադրանքների վերաձևակերպմանը: Դիմորդները կարող են օգտվել 2012թ. հրատարակված շտեմարաններից` հաշվի առնելով կատարված փոփոխությունները, որոնք կընդգրկվեն լրամշակված տարբերակում: