Նորություններ և հայտարարություններ   

ԶՈՐԱՑՐՎԱԾ ԵՎ ՄԻՆՉԵՎ 2021 Թ. ՀՈՒԼԻՍԻ 31-Ը ԶՈՐԱՑՐՎՈՂ ԶԻՆԾԱՌԱՅՈՂՆԵՐԻ՝ 2021Թ. ԲՈՒՀԵՐԻ ԸՆԴՈՒՆԵԼՈՒԹՅԱՆ ՄՐՑՈՒՅԹԻՆ ՄԱՍՆԱԿՑԵԼՈՒ ԿԱՐԳԸ

   Բանակից զորացրված և մինչև 2021թ. հուլիսի 31-ը զորացրվող դիմորդները, համաձայն ՀՀ կառավարության 2012թ. ապրիլի 26-ի թիվ 597-Ն որոշման 14 կետի, բուհերի ընդունելության մրցույթին մասնակցելու համար dimord.am կայքում կարող են դիմում-հայտ լրացնել հունիսի 26-ից հուլիսի 1-ը՝ մինչև ժամը 17:00: 

  Մարտական հերթապահություն իրականացնող զորամասերում պարտադիր ժամկետային զինվորական ծառայություն անցած և զորացրված դիմորդները՝ զորացրվելուց հետո` մեկ տարվա ընթացքում և մինչև 2021թ. հուլիսի 31-ը զորացրվող դիմորդները ՝

 1) ընդհանուր մրցույթից դուրս (առանձին մրցույթով) անվճար ուսուցմամբ ընդունվում են՝ ըստ մասնագիտությունների` Հայաստանի Հանրապետության կառավարության կողմից հաստատված տեղերի. 

 2) անվճար ուսուցման մրցույթից դուրս մնալու դեպքում դիմորդը բուհի նույն մասնագիտության վճարովի ուսուցման համակարգ ընդունվում է մրցույթից դուրս.

 3) տվյալ մասնագիտությունից Հայաստանի Հանրապետության կառավարության կողմից բանակից զորացրվածների համար անվճար տեղեր հատկացված չլինելու դեպքում զորացրված դիմորդն անվճար ուսուցման մրցույթին մասնակցում է ընդհանուր հիմունքներով, իսկ վճարովի ուսուցման համակարգ ընդունվում է մրցույթից դուրս:

  Մինչև հուլիսի 31-ը զորացրվող զինծառայողներն օգտվում են 2012թ. ապրիլի 26-ի թիվ 597-Ն որոշման  հավելվածի 91-րդ կետով սահմանված՝ բանակից զորացրվածների արտոնությունից:

 Մինչև հուլիսի 31-ը զորացրվող զինծառայողները կարող են դիմել՝

1) տվյալ տարվա ընդունելության մրցույթին` մինչև զորակոչվելն ստացած միասնական քննությունների վկայագրով մասնակցելու համար.

2) տվյալ տարվա ընդունելության քննությանը մասնակցելու համար:

  Տվյալ տարվա մինչև հուլիսի 31-ը զորացրվող զինծառայողները զորամասի հրամանատարի կողմից տրված տեղեկանք են ներկայացնում այն մասին, որ նրանց զորացրումը տեղի է ունենալու մինչև տվյալ տարվա հուլիսի 31-ը: Զինծառայողը կամ զորացրվող զինծառայողի կողմից տրված լիազորագրում նշված լիազորված անձն առցանց եղանակով հայտագրվում է dimord.am կայքում՝ նշելով արտոնության տեսակը, տեղեկանքը ուղարկում  բուհի ընդունող հանձնաժողովին: 

  Մինչև հուլիսի 31-ը զորացրվող և քննություն հանձնող զինծառայողը կամ լիազորված անձը լիազորագրում նշում է բուհը, ընդունելության քննությունները և ընտրած մասնագիտությունը, իսկ վկայագիր ունեցող զինծառայողը՝ մրցույթին մասնակցելու համար վկայագրում առկա քննական առարկաները, գնահատականները և մասնագիտությունը:

  Մինչև հուլիսի 31-ը զորացրվող զինծառայողներին ընդունելության դիմում-հայտերի լրացման գործընթացին օժանդակում և ԳԹԿ անձնական համար է տրամադրում նրա կամ լիազորված անձի բնակության վայրին մոտ գտնվող և այդ նպատակով առանձնացված դպրոցը

/անձնական համար տրամադրող դպրոցների ցանկը՝ հետևյալ հղմամբ՝ http://www.atc.am/preview.php?id=515./:

Մինչև հուլիսի 31-ը զորացրվող զինծառայողները dimord.am կայքում գրանցվելու համար ներկայացնում են՝ 

 • զորամասի հրամանատարի կողմից տրված տեղեկանք այն մասին, որ զինծառայողի զորացրումը

տեղի է ունենալու մինչև հուլիսի 31-ը /կից ներկայացվում է զորամասի հրամանատարի կողմից տրվող տեղեկանքի նմուշը/, տեղեկանքը ստորագրում և կնիքում է զորամասի հրամանտարը.

 • զորացրվող զինծառայողի կողմից տրված լիազորագիր, որը լիազորագրում նշված անձը ներկայացնում է իր բնակության վայրին մոտ գտնվող դպրոց՝ անձնական համար ստանալու և այդ անձնական համարով dimord.am կայքում գրանցվելու համար /կից ներկայացվում է լիազորագրի նմուշը/:

 • dimord.am կայքում ներբեռնում են 3*4 չափսի էլեկտրոնային լուսանկար։

  Այսպիսով՝ մինչև հուլիսի 31-ը զորացրվող դիմորդը զորամասի հրամանատարից տեղեկանք է վերցնում՝ մինչև հուլիսի 31-ը զորացրվելու մասին, այդ տեղեկանքը և լիազորագիրը կնիքում և ստորագրում է զորամասի հրամանատարը, այնուհետև տեղեկանքը և լիազորագիրը փոխանցվում է լիազորված անձին, որն առանձնացված դպրոց է ներկայացնում տեղեկանքը և լիազորագիրը /իր անձը հաստատող փաստաթղթի հետ/, ստանում անձնական համար, մինչև հուլիսի 31-ը զորացրվող դիմորդի անունից դիմում-հայտ լրացնում՝ ներբեռնելով դիմորդի 3*4 չափսի էլեկտրոնային լուսանկարը, իսկ վճարման կտրոնի փոխարեն ներբեռնում զորամասի հրամանատարի կողմից տրված տեղեկանքը: