Նորություններ և հայտարարություններ
ՍԵՊՏԵՄԲԵՐ - ՀՈԿՏԵՄԲԵՐ ԱՄԻՍՆԵՐԻՆ ԿԿԱԶՄԱԿԵՐՊՎԻ ՈՒՍՈՒՑԻՉՆԵՐԻ ԱՏԵՍՏԱՎՈՐՄԱՆ ԳՈՐԾԸՆԹԱՑԸ ՀՀ հանրակրթական ուսումնական հաստատությունների ուսուցիչների կամավոր ատեստավորման համար հայտագրվել է հանրապետության շուրջ 4000 ուսուցիչ: Երևանում և մարզերում ընտրվել են քննական կենտրոններ, որոնք հիմնականում նախկին միասնական քննական կենտրոններն են: Այդ կենտրոնների ցանկն արդեն հաստատվել է ԿԳՄՍ նախարարի հրամանով: Հրապարակվել են ժամանակացույցերը, մասնագետների կողմից կազմվել են համապատասխան թեստեր, պատրաստ են նաև քննություններն անցկացնող խմբերը:
Հոկտեմբերի 2-ին ուսուցիչների ատեստավորում կկազմակերպվի նաև «Կերպարվեստ», «Պատմություն» (ոչ թեստային տարբերակ), «Տեխնոլոգիա», «Երգ», «Պար» (Հայկական պետական մանկավարժական համալսարանում), «Նախնական զինվորական պատրաստություն» (Շիրակի պետական համալսարանում) և «Ֆիզկուլտուրա» (Հայաստանի ֆիզիկական կուլտուրայի և սպորտի պետական ինստիտուտում) առարկաներից:
 |
 |
CopyRight © ATC 2006